Burundi: Two people Died ==> Babiri bapfuye Birashwe Grenades(ibisasu)

Amasasu menshi na gerenade byumvikanye mu Burundi mu bice bitandukanye by’umurwa mukuru Bujumbura mu ijoro ryo kuwa Gatandatu bishyira ku cyumweru, abantu babiri akaba aribo bamaze kumenyakana ko bishwe nayo.

Ayo masasu yumvikanye mu murwa mukuru Bujumbura yahitanye abantu babiri barimo umunyeshuri wiga muri Kaminuza y’u Burundi.

Uru rusaku rw’amasasu rwatumye abaturage barara bataryamye, abandi bavuza akaruru n’amafirimbi mu gihe abandi bagiye mu mihanda babuza abapolisi kwinjira muri ako gace, babashinja ko babarasa.
Ntiharamenyekana uruhande abarashe abo bantu bariho, gusa bivugwa ko ari abashyigikiye manda ya gatatu ya Perezida Nkurunziza n’abatayishyigikiye bashyamiranaga.
Kuva imyigaragambyo yamagana manda ya gatatu ya Perezida Nkurunziza yatangira muri Mata uyu mwaka, abantu barenga 70 bamaze kuyigwamo mu gihe abarenga ibihumbi 100 aribo bamaze guhungira mu bihugu bihana imbibi n’u Burundi.