Kaneza Linca Amanda niwe wabaye umunyamideri w’umwaka muri Rwanda's Top Model 2015

Ku nshuro ya mbere Tecno Kigali Fashion Week itegura igikorwa cyo gutoranya umunyamideli uhiga abandi mu kumurika imideri mu Rwanda, umukobwa witwa Kaneza Linca Amanda niwe waje guhiga abandi bose bahatanaga, maze yambikwa ikamba rya Rwanda’s Super model 2015.

Ni mu muhango wabereye i Kigali ku mugoroba wo kuri uyu wa Gatanu tariki ya 06 Ugushyingo 2015, mu ihema riherereye muri Camp Kigali imbere ya Kigali Serena hotel, ahari hateraniye abantu batandukanye b’ingeri zose ariko byagaragaraga ko abanyamahanga ari benshi kurusha abanyarwanda.

Ibi birori byari byitabiriwe

Byari biteganijwe ko ibi birori bitangira ku isaha ya saa kumi n’ebyiri, ariko ntabwo aya masaha yubahirijwe kuko ahagana ku isaha ya saa mbili n’igice aribwo aberekana imideri(models)batangiye kwiyerekana mu mideli itandukanye bari bambitswe n’abanyamideri(designers) batandukanye.

John Bunyeshuri umuyobozi wa Kigali fashion yateguye iki gikorwa, na Makeda wayoboye uyu muhango, ubwo bahaga ikaze abitabiriye

Mbere yo kwiyerekana mu muko atandukanye y'imideli, aba-models babanje gususurutsa abantu 

Uretse kwiyerekana banabajijwe ibibazo bitandukanye kugirango bumve uburyo babasha kwisobanura imbere y'abantu

Kaneza Linca Amanda waje kuba umunyamideli wa mbere (super model)

Mu bakobwa bagera kuri 14, aba batanu nibo baje ku isonga, maze Kaneza Linca Amanda aza kubahiga aba uwa mbere

Aha, bari bamaze kuvuga uwa mbere, bagenzi be bamukomera amashyi

Nyuma yo guhamagarwa nk'uwabaye uwa mbere, uyu mukobwa ufite se w'umunyarwanda na nyina w'umurundikazi, kubyakira byamunaniye araturika ararira ku buryo yarinze ava kuri stage akirira

Dr Claude yasusurukije abitabiriye ibi birori

Reba amwe mu mafoto y'abanyamideri bahatanye hamwe n'abandi bafatanije nabo gususurutsa abitabiriye 

Uyu mukobwa ni umwe mubahabwaga amahirwe

Iyo aya marushanwa aba areba n'igitsinagabo, uyu musore yari mubo byagaragara ko akunzwe cyane

Uyu mukobwa nawe yahabwaga amahirwe

Kaneza Linca Amanda, umunyamideli wahize abandi

Tubibutse ko atari ku nshuro ya mbere mu Rwanda hatorwa umunyamideri wa mbere, dore ko mu mwaka wa 2012 umukobwa witwa Mupende Alexia Uwera n'umusore witwa Mosie Tekle babaye abanyamideli b'umwaka mu marushanwa yari yateguwe na kompanyi ya PMA.