Kicukiro: Abakobwa babiri bakora mu rugo bibye shebuja 11 400$ barafatwa

Abakobwa babiri b’abakozi bo mu rugo bafashwe na Police y’u Rwanda bibye amafaranga menshi shebuja ku Kicukiro, babigezeho babashije gucurisha urufunguzo rw’icyumba binjiramo biba amadorari 11 400 ya Amerika n’amafaranga ibihumbi magana atandatu y’u Rwanda.

Inoti bari bibye umucuruzi zose hamwe zifite agaciro gasaga miliyoni 10

Uwo aba bakobwa (Twizeyimana na Louange) bari bibye ni umukoresha wabo w’umunyarwanda utuye mu mujyi wa Kigali usanzwe ari umucuruzi, bakaba bari bamwibye yose hamwe agera kuri miliyoni 10.
Ikirego cy’uwibwe cyashyikirijwe Police y’u Rwanda tariki 11/12/2016 aba bakobwa bafatwa nyuma y’iminsi ibiri bakiri mu mujyi wa Kigali.

Twizeyimana na Louange bombi bemera icyaha cyo kwiba ndetse bakagisabira imbabazi cyane.
Police kandi yerekanye umugabo wafatanywe cashet 22, Indangamuntu mpimbano y’u Rwanda n’ikarita y’akazi mpimbano ya Police y’u Rwanda byose yakoreshaga mu bwambuzi.
Uyu musore witwa Kubwimana yafashwe kuwa mbere w’iki cyumweru afatanwa ibikoresho yifashishaga na bimwe mu byangombwa mpimbano yari yarakoze yifashishije imprimante.

Twizeyimana na Louange bakoreraga David mu rugo rwe bamwiba hafi miliyoni 10

Cachet zafatanywe Kubwimana yakoreshaga mu bikorwa binyuranye

Kubwimana wafataywe ibi bikoresho n’ibyangombwa bihimbano yabanje kwemera ibyo yafatanywe mu rukiko arabihakana

Ikarita y’akazi mpimbano ya Police y’u Rwanda uyu musore yari yarakoze

Yazifashishaga mu kubeshya abantu imirimo adakora

David yashimiye cyane Police y’u Rwanda kumusubiza amafranga ye yari yibwe

Src :UMUSEKE.COM