Umukinnyi ukomeye mu ikipe ya Uganda agiye kwerekeza mu ikipe yo mu Bubiligi

Rutahizamu w’ikipe ya Uganda Farouk Miya, akaba anakina mu ikipe ibarizwa mu cyiciro cya mbere muri Shampiyona ya Uganda agiye kwerekeza mu ikipe ya Standard Liege yo mu Bubiligi.

Nk’uko bbc.com ibitangaza,Vipers Sports Club yemeye ibihumbi 400,000 by’amadorali kuri Miya w’imyaka 19. Ubu, uyu musore ari kumwe n’ikipe ye y’igihugu aho bitabiriye irushanwa rya CHAN 2016 riri kubera mu Rwanda.

Muri CHAN 2106, Uganda iri mu itsinda rimwe na Mali, Zambiya na Zimbabwe; itsinda rikaba rikinira kuri Stade ya Rubavu nkuko biteganyijwe.

Uyu mukinnyi yanatsindiye Ugnda penaliti ubwo bakinaga na Mali bakanganya 2-2 mu mukino wo muri iryo tsinda.

Birakekwa ko Miya ashobora kudakina umukino wa kabiri Uganda izahuramo ikina na Zambia ejo kuwa gatandatu tariki ya 23 Mutarama 2016 ku mukino wa kabiri muri iryo tsinda.

Muri season ishize muri shampiyona ya Uganda (Uganda Premier League Trophy) Miya yatsinze ibitego 11.

Mu gihe baramuka bemeranyije na Standard Liege uwo mukinnyi yahabwa amasezerano y’imyaka ibiri. Gusa, New Vision ikaba yatangaje ko amasezerano hagati ya F. Miya na Standard de Liege yamaze gushyirwaho umukono.