Kuri uyu wa gatanu Byari biteganyijwe ko saa tanu zuzuye Perezida Kagame agera ku biro bya Rugunga mu mudugudu w’Imena mu murenge wa Rugunga muri Nyarugenge, nicyo gihe yahagereye aherekejwe na Mme Jeannette Kagame n’umukobwa wabo Ange Kagame, bakora igikorwa cyo gutora nk’abandi banyarwanda.
Kuri ibi biro by’itora biri ku ishuri rya Lycee de Kigali, hatoreye abandi baturage bo mu midugudu myinshi igize iki gice cya Kiyovu no mu Rugunga. Hatoreye kandi abayobozi barimo Hon Bernard Makuza, umuyobozi mukuru wungirije wa Policey’u Rwanda Dan Munyuza n’abandi.
Perezida na Madame hamwe n’umukobwa wabo nabo bitabiriye amatora
Perezida Paul Kagame amaze gutora, yagiranye ikiganiro kigufi cyane n’abanyamakuru bahise bamubaza niba aziyamamariza kuyobora u Rwanda nk’uko yabisabwe n’abaturage.
Yabasubije iki kibazo kimwe yakiriye ati “Mutegereze ibizava muri aya matora.”
Arereka abanyamakuru ko amaze kuzuza inshingano n’uburenganzira bye nk’umunyarwanda
Minisitiri w’Intebe Murekezi nawe yatoze umurongo ngo abone uko atora
Minisitiri w’Intebe Murekezi atora, ku ruhande ni Madamu we
Perezida Paul Kagame ageze kuri Ape Rugunga yaramukije abari aho
Abanyamakuru benshi cyane bari bategereje kumuvugisha amaze gutora