Dore Abakinnyi batanu bazatoranywamo uhiga abandi muri Afurika bamenyekanye!!!! AMAFOTO>>>

BBC yashyize ahagaragara urutonde rw’abakinnyi batanu bazatoranywamo uw’umunyafurika wahize abandi mu mwaka wa 2015.

Abakinnyi batanu batoranyijwe harimo Yaya Toure wo muri Côte d’Ivoire, Andre Ayew wo muri Ghana, Sadio Mane ukomoka muri Senegal, Pierre-Emerick Aubameyang wo muri Gabon ndetse na Yacine Brahimi wo muri Algeria wanatwaye iki igihembo mu mwaka ushize wa 2014.


Ni igihembo gitangwa n’ikinyamakuru cya BBC ariko hagendewe ku byifuzo by’abakunzi b’umupira w’amaguru muri Afurika kuko aribo batora umukinnyi ukomoka kuri uyu mugabane ukina aho ariho hose ku Isi witwaye neza mu mwaka wose.
Ku itariki 30 Ugushyingo nibwo gutora bizarangira maze uwatsinze akazamenyekana ku itariki 11 Ukuboza 2015 ndetse agashyikirizwa igihembo.
Muri aba batanu bahangana, batatu bigeze gutwara iki gihembo harimo Ayew wagitwaye muri 2011, Yaya Toure muri 2013 ndetse na Yacine Brahimi ufite igiheruka.
Sadio Mane ni ubwa mbere agaragaye kuri uru rutonde naho Aubameyang we ni ku nshuro ya gatatu ndetse akaba ariwe uhabwa amahirwe menshi yo kucyegukana.
Icyo buri wese yakoze mu mwaka
Aubameyang w’imyaka 26 niwe rutahizamu watsinze ibitego byinshi mu Budage umwaka ushize. Ubu niwe rutahizamu ufite ibitego byinshi muri shampiyona eshanu zikomeye ku mugabane w’u Burayi aho yatsinze ibitego 20 mu mikino 17 gusa muri Borussia Dortmund.
Ayew w’imyaka 25 yagejeje ikipe y’igihugu ya Ghana ku mukino wa nyuma w’igikombe cya Afurika ndetse yigaragaje cyane muri shampiyona y’u Bwongereza atorwa nk’umukinnyi mwiza muri Nyakanga ndetse amaze gutsinda ibitego bitanu mu mikino 10 yakinnye muri Swansea City.
Brahimi w’imyaka 25 yafashije cyane FC Porto kugera muri ¼ cya Champions League bwa mbere mu myaka itandatu.
Sadio Mane w’imyaka 23 we yaciye agahigo ubwo yatsindaga ibitego bitatu ( Hat-trick) mu masegonda 176, ibintu byaherukaga mu myaka 23 muri shampiyona y’u Bwongereza.
Yatsinze ibitego 10 atanga n’imipira itanu ivamo ibitego mu mikino 29 yakinnye.
Yaya Toure w’imyaka 32 niwe wegukanye igikombe cya Afurika ayoboye Côte d’Ivoire, igikombe baherukaga mu 1992. Niwe mukinnyi rukumbi ukomoka muri Afurika, FIFA yashyize mu bakinnyi 20 bahatanira Ballon d’Or