PGGSS 5:Mu mafoto: Byari indya nkurye mu gitaramo gisoza Primus Guma Guma

Ku itariki ya 15 Kanama 2015 ni umunsi utazibagirana mu mateka y’umuhanzi Butera Knowless wegukanye igikombe cya Primus Guma Guma Super Star 5 ahigitse abasore n’inkumi icyenda yari ahanganye na bo.

Ni ku nshuro ya Gatanu mu Rwanda haba irushanwa rya Primus Guma Guma Super rihuza abahanzi bakunzwe mu gihugu banafite ubuhanga mu kuririmba nka kimwe mu bishingirwaho bahitamo umuhanzi wegukana miliyoni 24 Bralirwa igenera uwanikiye abandi.
Muri uyu mwaka ryataniwe n’abahanzi icumi: Dream Boyz, Jules Sentore, Bruce Melodie, Oda Paccy, Rafiki, Bull Dogg, Active, Senderi, TNP na Knowless watwaye igikombe.
Iri rushanwa ryatangijwe ku wa Mbere tariki 9 Gashyantare 2015 rikaba ryasorejwe i Kigali ku itariki ya 15 Kanama 2015.
Ku munsi wa nyuma wo gutanga igikombe, igitaramo cyatangiye abahanzi bose ubona bihagazeho ndetse bagifite imbaraga n’icyizere ko byose bishoboka buri wese afite amahirwe yo kwegukana umwanya wa mbere.
Ntibyari byoroshye ubwo hari hagiye gusomwa amazina y’abatsinze n’uko bakurikiranye, urebye ku maso y’abahanzi, wabonaga bose bahiye icyoba ndetse buri nshuro uko bahamagaraga umuhanzi bijyanye n’umwanya yegukanye, benshi imitima yabasimbukaga ukabona ko bigoranye cyane.
Ubwo hari hasigayemo abahanzi bane: Knowless, Bruce Meldoy, Bull Dogg na Dream Boyz, aba bahanzi ntibiyumvishaga neza uko bagiye kugabana iyi myanya kugeza hasigaye uwa mbere w’icyubahiro ari nawo bose bari bamaze igihe kirenga amezi arindwi bahatanira.
Ababurana ari babiri haba harimo uwigiza nkana, byaje kurangira izina ‘Butera Knowless rije imbere y’abandi. Yahise yandika amateka aba umukobwa wa mbere wegukanye iri rushanwa kuva ryatangira mu mwaka wa 2011.
Uko bakurikiranye mu guhembwa:
10.TNP
9.Rafiki
8.Paccy
7.Senderi Hit
6.Sentore Jules
5.Active
4.Bull Dogg
3.Dream Boyz
2.Bruce Melody
1.Knowless

Abafana bari babukereye ari benshi

Itangazamakuru ryose ryari rihari... Radiyo na Televiziyo n'ibyandika

Urubyiniriro rwari rwateguwe nk'urwakira umunsi wa nyuma w'irushanwa

Anita Pendo, watangiye iri rushanwa ari umushyushya rugamba ni nawe warisoje

Abafana bahawe umwanya nabo batanga ibitekerezo byabo

Anita yageze aho ahindura imyenda

Akanama nkemurampaka kari maso, kitegereza uko abahanzi bitwara ku munsi wa nyuma

Ubuyobozi bukuru bwa Bralirwa bwari bwaje kwihera ijisho

Sentero yaserutse mu mudiho wa Kinyarwanda

Umwe mu bahanzi bazi guca umugara mu Rwanda

Kuva irushanwa ryatangira, Sentore yerekanye ubuhanga bwe mu ijwi rye rizira amakaraza

Igitangaza Bruce Melody kuva irushanwa ryatangira kugeza ku munsi wa nyuma nawe yerekanye ko ashoboye

Benshi bemeza ko imiririmbire ye ari nta makemwa

Yagezaho yikura ikote maze abyinana n'abafana be

Pacy ku munsi wa nyuma nabwo yerekanye imibyinire itangaje

Iyi mibyinire dusanzwe tuyizi kuri Nicki Minaj

Knowles yageze ku rubyiniriro aherekejwe n'ababyinnyi

Ababyinnyi ba Knowless bari babyiteguye neza

KINA Music yari ihagarariwe bwuma

Umwana wo mu Ruhango yanerekanye ko azi kwinyonga abiherekeje no kuririmba

Knowles yari yambariye intsinzi...

Abasore n'abakobwa bari bagaragiye Knowles bashimishije benshi

Knowless n'ababyinnyi be basaga neza ku maso

Abanyamujyi bagize TNP nabo bari babyambariye

Passy wo muri TNP

Tracy wo muri TNP yari yambaye nka ba Kendrick Lamar

Ukibona ababyinnyi bameze gutya...menya ko HIT agiye kuhagera

Ngo ni we Chris Brown w'i Kigali

Imbyino za Chris Brown w'i Kigali ngo nta wundi wazibasha mu Rwanda

Umuraperi wahabwaga amahirwe yo kwegukana igikombe ariko ntibimuhire

Bull Dogg yari ahagaze neza mu njyana ya Hip Hop

Yamanukuraga imirongo mu ndirimbo ze zikunzwe na benshi

Abafana bari bakubise buzuye

Dream Boyz bararirimbaga iyitwa 'Uzahahe uronke'

Imbyino za Platini

Uyu ni we watwaye igikombe muri 2014

Bose bari batangiye guhinda umushyitsi bibaza uza gutsinda

Active na bo bitsaga umutima

Bull Dogg we yifashe mu mayunguyungu yibaza uko biza kugenda

Byari ihurizo kuri bose

Platini na Bruce Melody bibazaga uko umukobwa agiye kubatwara igikombe ntibabyumve neza

Bruce Melody yari atangiye kwicisha bugufi imbere ya Knowless

Bongoreranaga baterana akanyabugabo

Yari atangiye kumwenyura nk'uwizeye intsinzi

Impaka zasaga n'izigiye kurangira kuko umukobwaga yari atangiye kubereka ko 'agiye kubakubitira ahareba i Remera'

Ababurana ari babiri....

Amatsiko avanze n'ubwoba...

Izina ‘Butera’ ryahise ryandika amateka mu muziki

Butera Knowless yaheshejwe icyubahiro mu izina rya PRIMUS