Ikipe ya Chelsea izakina na Manchester City na ho Arsenal ihure na Hull City mu mikino ya kimwe cya 8 cy’igikombe cy’igikombe cy’ishyirahamwe ry’umupira w’amaguru mu Bwongereza FA.
Ni nyuma ya tombola yabaye kuri iki cyumweru nyuma y’imikino ya 1/16 yabaye muri izi mpera z’icyumweru.
Ikipe ya Chelsea yabonye itike ya 1/8 nyuma yo kunyagira MK Dons ibitego 5-1, birimo 3 byatsinzwe na Oscar Junior, Eden Hazard watsindaga igitego cye cya mbere muri uyu mwaka w’imikino ndetse na Bertranda Traore.
Oscar yatsindiye Chelsea ibitego 3 mu mukino wabagejeje muri 1/8
Iyi kipe ya Chelsea izakina muri 1/8 na Manchester City mu mukino witezweho kuzaba ukomeye kurusha indi muri kimwe cya 8.
Dore uko amakipe yose azakina
- Chelsea izakina na Manchester City
- Arsenal izakina na Hull City
- Manchester United izakina na Shrewsbury Town
- Tottenham Hot Spurs izakina na Crystal Palace
- Watford izahura na Leeds
- Bournemouth izakina na Everton
- Blackburn izakina na Liverpool cyangwa West Ham
- Reading izahura na West Bromwich cyangwa Peterborough.