Umuherwe w’ikipe ya Chelsea, yagaruye umutoza Jose Mourinho, mu mwaka 2013, none ahisemo kongera kumwirukakana mu 2015, nyuma yaho ikipe ya Chelsea itsindiwe ku mukino wa shampiyona y’UBwongereza mu mukino wabahuje n’ikipe ya Leicester City, nyuma y’iminsi itatu uwo mukino ubaye, Ikipe ihisemo gusezerera umutoza.
Chelsea ikaba ibarizwa ku mwanya wa 16 muri Shampiyona n’amanota 15 mu mikino 16 imaze gukinwa.
Umutoza Guus Hiddink biteganyijwe ko ariwe uza gutoza Chelsea mu gihe gisigaye cya shampiyona.
Naho umutoza Pep Guardiola utoza ikipe ya Bayern Munich, akaba ariwe uhabwa amahirwe yo kuzatoza Chelsea, mu gihe amasezerano afitanye na Bayern Munch azaba arangiye.
Jose Mourinho mbere yuko yirukanwa akaba yari yanakoresheje imyitozo yo kuri uyu uwa kane.
Roman Abramovich agomba guha umutoza Mourinho Miliyoni 10 zama Paundi (£10million) kubera amasezerano mashya y’imyaka ine yari yagiranye na Chelsea.
Agomba kujya ahebwa ibihumbi 250 byama Paundi buri cyumweru (£250,000 a week )kugeza igihe azabonera akandi kazi.
Aho uyu mutoza yagiye atoza mu bihe byose
- Benfica (2000)
- Uniao de Leiria (2001-02)
- Porto (2002-04) 2 League titles, 1 Cup, 1 Champions League
- Chelsea (2004-07) 2 Premier League titles, 1 FA Cup, 2 League Cups
- Inter (2008-10) 2 Serie A titles, 1 Coppa Italia, 1 Champions League
- Real Madrid (2010-13) 1 La Liga title, 1 Copa del Rey
- Chelsea (2013-15) 1 Premier League title, 1 League Cup
Yahesheje Chelsea ibikombe 3 bya shampiyona, ibikombe 3 bya League, igikombe kimwe cya FA.
Jose Mourinho ni ku nshuro ya kabiri ava muri Chelsea bwa mbere hari mu mwaka 2007