Icyamamare muri muzika Miley Cyrus umukobwa w’imyaka 22 y’amavuko ukunze gukora udushya tugatangaza imbaga, kuri ubu yagaragaye ku rubyiniro yambaye igisa nk’igitsina cy’umugabo hagati y’amaguru ye.
Cyrus yagaragaje ako gashya mu gitaramo yakoreye mu mujyi i Chicago ku mugoroba wo kuwa kane tariki ya 19 Ugushyingo 2015, akaba arimo kuzenguruka imijyi akora ibitaramo (le Dead Petz Tour).
Mu kwambara igisa n’igitsina cy’umugabo mu maguru ye, hejuru yari yambaye n’igisa n’amabere y’umukobwa ariko akoze muri plastic, ibyo byose bikaba byaratangaje imbaga y’abafana be bari bamushagaye nk’uko amafoto abigaragaza.
Iyi si inshuro ya mbere Cyrus akoze ibisa nko kwamamaza ubusambanyi ku rubyiniro, uyu mwana w’umukobwa asanzwe ashinjwa gukoresha ibiyobyabwenge ko ari byo bimutera gukora ibihabanye cyane n’ibyo abafana be baba bakeneye.
Mu mpere z’umwaka wa 2013, nibwo zimwe muri televiziyo zo muri USA zatangaje ko zitazongera gukina indirimbo za Miley Cyrus mu masaha y’amanywa, ko zizajya zikinwa n’ijoro abana basinziriye ko ziba zikubiyemo ubutumwa bwangiza mu mitwe y’abana bakaba bakwishora mu busambanyi imburagihe.
