Monique Zanga ni umugore
w’imyaka 46 y’amavuko, uyu mugore akaba atuye mu gace ka Mbag ko muri
Kadey muri Cameroun, arashinjwa kwihindura inzoka akarya abantu.
Amakuru dukesha Camer.be ni uko Monique Zanga
ashinjwa n’abaturage bo muri aka gace atuyemo kuruma abantu 10, batatu
muri bo ngo akaba yaragiye abaruma yihinduye inzoka ako kanya bagahita
bapfa.
Amakuru yagiye atohozwa n’abanyamakuru
batandukanye, ni uko bagiye bamenyeshwa ko uyu mugore w’imyaka 46 yica
abantu ari inzoka ako kanya agahita yihindura umuntu akabura.
Mu bantu 10 uyu mugore ashinjwa kuruma
yihinduye inzoka, 3 bahise bitaba Imana muri ako kanya, naho abandi 7
ikaba yarabarumye bajyanwa ku bitaro bya SFID i Mbang bahabwa ubuvuzi
bwihariye ndetse no ku bw’amasengesho menshi bararokoka.
Monique Zanga yavutse kuwa 1 Gicurasi 1969,
ahitwa Bantouri, ni umupfumu uzwi mu gace atuyemo akaba anashinjwa
kwihindura inzoka mbere yo kuruma umuntu yarangiza agahita abura muri
ako kanya.
Brigade ya gendarmerie yagerageje gukora
iperereza ku birego uyu mugore aregwa rimwe na rimwe agatabwa muri yombi
ariko ntacyo bitanga dore ko nyiri ubwite abihakana yivuye inyuma ko
atajya yihindura inzoka.
Mu gihe ubuyobozi muri aka gace butangaza ko
uyu mugore yabaye inzitizi y’iterambere ry’abaturage kubera guteza
umutekano muke, urwego rushinzwe umutekano ngo rukomeje iperereza
hanirindwa ko hagira undi muntu wicwa n’iyo nzoka.