Dore Amafoto ya Perezida Obama utari wabonye Nuko yakiriwe bitangaje nk’umwami Winazaleti:AMAFOTO>>>

Perezida Barack Obama wa Leta Zunze Ubumwe za Amerika, kuri uyu wa Gatanu tariki 24 Nyakanga 2015, yageze mu gihugu cya Kenya aho yakiriwe mu buryo budasanzwe, nyuma aza no gusangira n’abo mu muryango wa se, dore ko Se akomoka muri iki gihugu cya Kenya.

Akigera ku kibuga cy’indege cyo mu mujyi wa Nairobi muri Kenya, Perezida Barack Obama yakiriwe n’abanyacyubahiro barangajwe imbere na Perezida w’iki gihugu Uhuru Kenyatta, abashinzwe umutekano barenga 10.000 bakaba bari bitabajwe muri uyu mujyi wa Nairobi.

Obama kandi yabashije kubonana n’umukecuru witwa Mama Sarah, uyu akaba yari ari we wareze se wa Obama ariko ntiyari nyina ahubwo yari mukase. Mu bandi bo mu muryango wa Obama bahuye bagasangira, harimo Auma Obama, uyu akaba ari mushiki wa Obama ariko badahuje nyina.

Obama ufite inkomoko muri Afrika, se yashakanye n’umunyamerikakazi ari nawe bamubyaranye, gusa Barack Obama we ntiyakunze kugera cyane muri iki gihugu cya Kenya gikomokamo abakurambere be.