Filime ya Cristiano Ronaldo ntiyagaragayemo umuntu w'ingenzi! Ese yaba ari inde?

Hashize igihe kitari gito Ronaldo atangaje ibijyanye na filime iri gukorwa ivuga ku buzima bwe gusa ababashije kureba iyi filime bemezako hari amashusho y'umuntu yagombaga kugaragaramo akaba atabonekamo.Ese uwo muntu yaba ari inde.

Abantu batari bake bari biteze kureba amashusho y'uwari umukunzi wa Cristiano ariwe Irina Shayk gusa biza kurangira uyu mukobwa atagaragaye muri iyi filime nyamara nyirayo avugako ari filim yerakana ubuzima bwe kuva akivuka

Mu kiganiro yagiranye na Goal, Cristiano yabajijwe ayo makuru avuga ko Irina Shayk atazahabwa umwanya muri filimi izaba igaragaza amateka y’ubuzima bwe kuva mu bwana.

Mu gusubiza, Ronaldo yaryumyeho yanga kwerura ngo agire icyo abivugaho, yagize ati: “ubuzima bugira ibihe byiza n’ibibi, gusa hari igice kimwe cy’ubuzima kitaba ari ngombwa”.

Mu gihe Ronaldo  yanze kwerura, Anthony Wonke umuyobozi wa film yatangaje ko Irina Shayk azagaragara muri iyo film ariko ngo akazagaragamo akanya gato cyane.

Ati: “dufite uduce twinshi, hari aho bafatana amafunguro y’ijoro na Irina, gusa amashusho amara akanya gato cyane”.

Muri mutarama uyu mwaka wa 2015, nibwo inkuru zacicikanye ko Ronaldo na Irina bashwanye, bitangazwa ko Irina yivanye mu bakurikira Ronaldo kuri twitter (fellowers) ndetse ko Irina atitabiriye umuhango Ronaldo yaherewemo ballon d’or.

Nyuma y’ibyatangazwaga byose, umubano wabo wahise uzamo agatotsi bombi ntibongera kugaragara bari kumwe, ubu bitangazwa ko Ronaldo yaba yarabonye umukunzi mushya mu gihe na Irina Shayk ari mu rukundo na Bradley Cooper icyamamare muri film.