Impunduuuu Umukunzi wa Bruce Melody yabyaye

Melody bivugwa ko umwana yaba yavutse

Nyuma y’amakuru yari amaze iminsi acicikana ko Bruce Melody yateye inda umukunzi we basigaye babana nk’umugabo n’umugore, kuri ubu biremezwa ko uyu mukobwa yabyaye.

Papa w'umwana

Amakuru dukesha umwe mu nshuti za Bruce Melody yemeza ko kuri uyu wa Kabiri tariki ya 12 Gicurasi 2015 ari bwo umukunzi w’uyu muhanzi yibarutse ndetse kuri ubu akaba ameze neza.

Mu mpera z’umwaka wa 2014 nibwo byasakaye henshi ko Bruce Melody yafashe umwanzuro wo kubana n’umukunzi we nk’umugabo n’umugore ariko we akabyamaganira kure.

Amakuru ku mwana bivugwa ko umukunzi wa Melody yabyaye ntaramenyekana mu buryo bweruye gusa bishimangirwa ko muri iki gihe uyu mukobwa yari akuriwe yabanaga mu nzu imwe n’uyu muhanzi i Kanombe.

Muri Gashyantare 2015 nibwo twatangaje inkuru yemezaga ko umukunzi wa Melody atwite inda y’imvutsi aho umwe mu nshuti ze yagize ati“Uwo mukobwa aratwite, njye Melody amaze iminsi ambwira ngo baritegura kwibaruka, yambwiraga ko habura nk’ibyumweru bibiri. Ni umukobwa wiga muri Mount Kenya, niho ari kurangiza ndakeka.”

Bruce Melody wagiye ahakanira kenshi itangazamakuru ku nkuru y’uyu mukobwa bivugwa ko yabyaye banabana mu nzu imwe, ntiyabashije kwitaba telefone ye igendanwa ngo asobanure iby’aya makuru.