Ingingo 10 zitandukanya abakeba Miss Jojo na Miss Shanel

Nirere Ruth benshi bazi nka Miss Shanel na mugenzi we Uwineza Josiane wiyise Miss Jojo ni bamwe mu bahanzi bafatwa nk’ababoneye izuba benshi muri muzika nyarwanda igezweho mu cyiciro cy’ab’igitsinagore.

Aba bombi batangiye kuvugwa cyane mu myaka ya 2007 na 2008 ubwo basaga nk’abafungurira amarembo abandi bakobwa muri muzika kuko ari bo bonyine wabonaga bafite intego ndetse n’ishyaka ryo kuzana impinduka, iterambere no guhatana na basaza babo mu cyitwa showbiz nyarwanda.
Mu mwaka wa 2008 nibwo Miss Jojo yasohoye indirimbo yitwa ‘Mbwira’ ari nabwo yatangiye gushinga imizi mu muziki, yagiye akomeza kwigaragaza cyane ndetse benshi bakamubonamo ubushobozi.
Muri iyo myaka nibwo wabonaga umuziki nyarwanda usa nk’ufite imbaraga kuko wasaga nk’uwongeye kubyuka nyuma ya Jenoside yakorewe Abatutsi mu 1994.

 

Miss Shanel na Miss Jojo ni bamwe mu bahanzi bagaragaraga nk’abahanganye iteka haba mu miririmbire, kwigaragaza ndetse n’ibindi byinshi abahanzi bahuriraho muri rusange.
Mu kugaragaza ubushongore n’ubukaka bw’abakeba muri muziki nyarwanda, IGIHE izajya ibagereranya hagendewe ku ngingo zitandukanye mu rwego rwo kugaragaza koko ibikorwa buri wese afite bityo abakunzi ba muzika cyangwa abafana b’aya matsinda bakibonera by’ukuri ufite imihigo kurusha undi.
Ikiri ingorabahizi kugeza ubu mu bahanzi nyarwanda, ni imitungo itimukanwa bafite ndetse no kumenya amafaranga buri wese afite kuri banki. Bitandukanye cyane no mu bindi bihugu aho usanga umutungo wa buri muhanzi uzwi ndetse bikorohera itangazamakuru gushyira abahanzi mu byiciro hagendewe ku mafaranga baba barasaruye mu muziki.
1.Imyaka bamaze mu muziki
 Miss Shanel amazemo imyaka 11
Vs
 Miss Jojo amazemo imyaka 9
2.Amashuri bize
 Miss Shanel yize amashuri yisumbuye, akomereza mu ishuri rya Muzika
Vs
 Miss Jojo yarangije Kaminuza
3.Album bamaze gukora
 Miss Shanel afite album imwe yise Ndarota
Vs
 Miss Jojo afite album ebyiri ‘ Genesis’na ‘Woman’
4.Abahanzi bakomeye bakoranye na bo
 Miss Shanel yakoranya na Wyre wo muri Keny na Mesach Semakula wa Uganda
Vs
 Miss Jojo yakoranye na Kidumu w’i Burundi na DNG wa Kenya
5.Ibitaramo bakoreye hanze y’u Rwanda
 Miss Shanel yakoze ibitaramo bibiri i Burayi
Vs
 Miss Jojo yakoze ibitaramo bitatu: muri Leta Zunze Ubumwe za Amerika n’u Bubiligi
6.Ibikombe bamaze gutwara mu muziki
 Miss Shanel yatwaye Salax Award muri 2009
Vs
 Miss Jojo nawe atwara Salax Award ya 2010
 Miss Shanel yitabiriye irushanwa rya Pearl of Africa inshuro eshatu nta gihembo yahawe
Vs
 Miss Jojo yitabiriye Pearl of Africa Awards muri 2008 yegukana n’igihembo, yanatwaye igihembo cya Rector Excellence Award mu cyahoze ari Kaminuza y’u Rwanda(UNR).
7.Ubuzima bwabo bwite
 Miss Shanel arubatse
Vs
 Miss Jojo aracyari ingaragu
8.Uko bakurikiranwa ku mbuga nkoranyambaga
Miss Shanel
 Facebook: 372
 Twitter: Nta n’umwe
 Instagram:Ntayo agira
Miss Jojo
 Facebook:3, 239
 Twitter: Ntayo
 Instagram: Ntayo agira
9.Imirimo bakora hanze y’umuziki
 Miss Shanel ni umwalimu wa muzika mu Bufaransa
Vs
 Miss Jojo akora muri Ambasade y’Abanyamerika mu Rwanda
10. Sosiyete bamamariza
Bombi ntazo